一分鐘深呼吸重啟練習

歡迎嚟到呢個靜心時刻。

呢篇係一個3分鐘嘅廣東話靜心練習,純聲音錄音,適合任何時候、任何地方收聽——返工途中、休息時間、瞓覺前,或者純粹想俾自己幾分鐘安靜嘅時刻。

Dick Yu 余狄夫,香港愛笑瑜珈推廣者,自2008年開始教授愛笑瑜珈,師承印度愛笑瑜珈創辦人Dr. Madan Kataria同陳達成先生(總笑長)。除咗愛笑瑜珈,佢仲教授禪繞畫同頌缽音頻療癒,經常喺公園、社區中心同機構分享。

如果想睇返完整廣東話文稿,可以留意返呢篇貼文,或者到 healthylaughters.blogspot.com 搵返其他靜心練習。

 錄音文稿

大家好,歡迎嚟到呢個靜心時刻。

搵一個舒服嘅姿勢坐低,如果方便嘅話,慢慢閉埋雙眼。

用鼻慢慢吸氣……感受下空氣入到你個胸口,再落到肚腩度。

然後,慢慢用口呼出嚟……好似要吹熄一支蠟燭咁,慢慢咁放。

再嚟一次,吸氣……1、2、3、4。

閉氣……1、2。

呼氣……1、2、3、4、5、6。

你可能會發現,個腦入面成日有好多嘢喺度跑緊。冇問題嘅,呢啲諗頭嚟嘅時候,你唔使趕佢走,

淨係話畀自己知:「我而家先係最緊要」,然後將注意力慢慢帶返嚟自己嘅呼吸度。

再深呼吸一次,想像緊張同壓力,好似煙咁,慢慢由你個身體度浮走。

慢慢張開雙眼,或者將注意力帶返嚟你而家所在嘅空間。

記住,無論而家係幾點,你隨時都可以停低,做返呢幾下深呼吸。