專注力重啟練習

 

如果你依家覺得個腦好散,好難專注,我哋一齊重啟返。

 

呢篇係一個3分鐘嘅廣東話靜心練習,純聲音錄音,適合任何時候、任何地方收聽——返工途中、休息時間、瞓覺前,或者純粹想俾自己幾分鐘安靜嘅時刻。

Dick Yu 余狄夫,香港愛笑瑜珈推廣者,自2008年開始教授愛笑瑜珈,師承印度愛笑瑜珈創辦人Dr. Madan Kataria同陳達成先生(總笑長)。除咗愛笑瑜珈,佢仲教授禪繞畫同頌缽音頻療癒,經常喺公園、社區中心同機構分享。

 

如果想睇返完整廣東話文稿,可以留意返呢篇貼文,或者到 healthylaughters.blogspot.com 搵返其他靜心練習。

錄音文稿

 

大家好,如果你依家覺得個心好散,好難專注,不如我哋一齊試吓reset番。

 

搵一個舒服嘅姿勢坐低,慢慢閉埋雙眼。

 

深呼吸一下,吸氣……呼氣……

 

將所有注意力,放喺你嘅呼吸度,唔使諗其他嘢。

 

如果個腦飄走咗,冇問題,溫柔咁將佢帶返嚟呼吸度,一次又一次。

 

再做多幾次,吸氣……呼氣……每一次,都純粹咁專注喺當下。

 

同自己講:「我依家準備好,專注做緊要嘅事。」

 

慢慢張開雙眼。你嘅專注力,已經重新歸位。